មានការភ្ញាក់ផ្អើល និងក្តុកក្តួលជាខ្លាំងនៅលើបណ្តាញសង្គម បន្ទាប់ពីមានសេចក្តីរាយការណ៍ថា យុវជនម្នាក់បានទទួលមរណភាពយ៉ាងគំហុកនៅក្នុងបន្ទប់ស្នាក់នៅរបស់ខ្លួន ដែលបង្កឱ្យមានការសោកសង្រេងយ៉ាងពន់ពេកពីសំណាក់ក្រុមគ្រួសារ និងសាច់ញាតិ។
យោងតាមប្រភពព័ត៌មានបឋមដែលត្រូវបានចែករំលែក ហេតុការណ៍ដ៏ក្រៀមក្រំនេះបានកើតឡើងខណៈពេលដែលជនរងគ្រោះកំពុងសម្រាកនៅក្នុងបន្ទប់ រួចក៏ស្រាប់តែជួបប្រទះនឹងអការៈខ្យល់គរ ហើយបានបាត់បង់ជីវិតតែម្តង។
ក្រោយការបាត់បង់សមាជិកគ្រួសារជាទីស្រឡាញ់ទាំងមិនដឹងខ្លួននេះ សាច់ញាតិរបស់សពបានបង្ហោះសារសម្តែងការសោកស្តាយ និងស្រណោះស្រណោកជាខ្លាំង។ នៅក្នុងសំណេរនោះបានរៀបរាប់ទាំងក្តីក្តុកក្តួលថា ជនរងគ្រោះមិនទាន់បានបំពេញសន្យាដែលថានឹងទៅដើរកម្សាន្តជុំគ្នានៅខេត្តកំពតនៅឡើយទេ តែបែរជាត្រូវលាចាកលោកទៅមុនយ៉ាងគំហុកបែបនេះ។
មរណភាពរបស់យុវជនរូបនេះ បាននាំមកនូវក្តីអាឡោះអាល័យជាខ្លាំងដល់អ្នកដែលស្គាល់រូបលោក ហើយមហាជនជាច្រើននៅលើបណ្តាញសង្គមក៏បានចូលរួមសម្តែងការរំលែកទុក្ខដ៏ក្រៀមក្រំនេះដល់ក្រុមគ្រួសារនៃសព និងបួងសួងឱ្យវិញ្ញាណក្ខន្ធរបស់រូបលោកបានទៅកាន់សុគតិភពផងដែរ៕
