ភ្នំពេញ៖ តារាចម្រៀងប្រចាំហ្សងមាស ជី ដេវីត បានបង្ហាញក្នុងហ្វេសប៊ុកថា « ដូចសព្វមួយដង ម្តាយខ្ញុំបានចតឡាននៅមុខផ្ទះ នៅតំបន់ជិតវត្តគោកបញ្ជន់ ហើយចង្រៃអីព្រឹកម៉ិញនេះត្រូវចោរលួចទៅបាត់ស្រមោល»។

លោក ជី ដេវីត ឲ្យដឹងទៀតថា «ឡានដែលចោរលួចនោះ គឺជាឡានរបស់ម្តាយខ្ញុំ ម៉ាក កូរ៉ូឡា ស្លាកលេខ ភ្នំពេញ 2AO-3028»។ ទោះជាយ៉ាងណាក៏ដោយ ក្រុមគ្រួសារតារាចម្រៀងរូបនេះ ហាក់មិនសូវសោកស្តាយប៉ុន្មានទេ ហើយក៏មិនបានដុតដៃដុតជើងស្វែងរកដែរ ដោយគ្រាន់តែលោក ជី ដេវីត ផ្តាំទៅមហាជនទូទៅថា ប្រសិនបើបងប្អូនណា បានឃើញឡានម្តាយខ្ញុំ សូមទាក់ទងមកលោកតែប៉ុណ្ណោះ។