​    ​ភ្នំពេញ​៖ កាលពី​វេលា​ម៉ោង​១១​និង​១០​នាទី​យប់ ថ្ងៃទី​២៧ ខែកក្កដា ឆ្នាំ​២០១៥ កម្លាំង នគរបាល​ខណ្ឌទួល គោក​ឃាត់ខ្លួន​ក្រុម​ចោរលួច​២​នាក់​ពីបទ​លួច​ម៉ូតូ​នៅ​ចំណុច​ច្រកចូល​ឌឿងហែម ក្រោយ​ផ្ទះ​លេខ​៧៨​អឺ​0 ផ្លូវ​លេខ​១២៦ ភូមិ​២ សង្កាត់​ផ្សារ​ថ្មី​២ ខណ្ឌដូនពេញ ។​
​    ​គួរ​បញ្ជាក់ថា កាលពី​ថ្ងៃ​២៧ ខែឧសភា ឆ្នាំ​២០១៥ នៅវេលា​ម៉ោង​៣​ទៀបភ្លឺ មាន​ករណី​បាត់​ម៉ូតូ​១​គ្រឿង​ម៉ាក​ហុងដា​សេ​១២៥  ពណ៌​ក្រហម ពាក់​ស្លាក​លេខ​ភ្នំពេញ ១.O-១២៩០ នៅ​ចំណុច​ច្រកចូល​ឌឿងហែម ក្រោយ​ផ្ទះ​លេខ​៧៨​អឺ​0 ផ្លូវ​លេខ​១២៦ ភូមិ​២ សង្កាត់​ផ្សារ​ថ្មី​២ ខណ្ឌដូនពេញ​។  ក្រោយមក​នៅវេលា​ម៉ោង​១១​និង​១០​នាទី​យប់​ថ្ងៃទី​២៧ ខែកក្កដា ឆ្នាំ​២០១៥ នគរបាល​ខណ្ឌទួលគោក​ឃាត់ខ្លួន​បាន រួច​យកមក​ប្រគល់​ឲ្យ​នគរបាល​ខណ្ឌដូនពេញ​ចាត់ការ​តាមច្បាប់ ។ ជនសង្ស័យ​ទាំង​២​នាក់​នេះ​ទី​១​ឈ្មោះ ជួន ពិសិដ្ឋ ភេទ​ប្រុស អាយុ​២៥ ស្នាក់នៅ​ភូមិ​សំ​ណុង​ជើងភ្នំ ស្រុក​សំរោង​ទង ខេត្តកំពង់ស្ពឺ និង​ម្នាក់ទៀត​ឈ្មោះ ហួរ បូរ៉ា ភេទ​ប្រុស អាយុ​៣០​ឆ្នាំ មុខរបរ​និង​ទីកន្លែង​ស្នាក់នៅ​មិន​ពិ​ប្រាកដ ។ ចំណែកឯ​ជនរងគ្រោះ​ឈ្មោះ​ចៅ ឡេង ភេទ​ប្រុស អាយុ​៦៧​ឆ្នាំ ស្នាក់នៅ​ទីតាំង​កើតហេតុ​ខាងលើ ( ស្លាប់ កាលពី​ថ្ងៃទី​២៨ ខែមិថុនា ឆ្នាំ​២០១៥​កន្លងទៅ​)  ៕

13