វគ្គប្រកាសលទ្ធផលរកឃើញរាជិនីមកុដនៅរាត្រីវគ្គផ្តាច់ព្រ័ត្រនៃកម្មវិធី Miss Grand International ២០២២ នេះ កាន់តែកៀកមកដល់ហើយ រីឯមហាជនខ្មែរកំពុងតែបង្ហាញការរំភើបចិត្ត និង មោទកភាពខ្លាំង ជាមួយនឹងលទ្ធផលរបស់ Miss Grand ពេជ្រ វត្តីសារ៉ាវឌ្ឍី ដែលអាចឈានដល់ Top ១០ ជាកំណត់ត្រាថ្មីសម្រាប់កម្ពុជា ដោយសមត្ថភាព។
យ៉ាងណាមិញ ក្រោយពីបានជាប់ដល់វគ្គ Top ១០ ហើយ កញ្ញា ពេជ្រ វត្តីសារ៉ាវឌ្ឍី ក៏បាន និង កំពុងបន្តដំណើរវាយលុកទៅកាន់វគ្គ Top ៥ បន្តទៀត ដោយមុននឹងឈានដល់វគ្គប្រកាសលទ្ធផលនោះ បវរកញ្ញាតំណាងកម្ពុជារូបនេះ ក៏បានឡើងថ្លែងសន្ទរកថាពីឆន្ទៈរបស់ខ្លួនក្នុងចំណោមបេក្ខភាពទាំង Top ១០ នោះ។
យ៉ាងណាមិញ នៅវិនាទីនៃការប្រកាសទៅកាន់វគ្គ Top ៥ មុននេះ គួរឱ្យសោកស្តាយ Miss Grand Cambodia ២០២២ កញ្ញា ពេជ្រ វត្តីសារ៉ាវឌ្ឍី មិនអាចបំបែកកំណត់ត្រាប្រវត្តិសាស្ត្ររបស់កម្ពុជា ដោយឈានទៅកាន់ Top ៥ នាក់ចុងក្រោយបានទេ ប៉ុន្តែបវរកញ្ញារូបនេះពិតជាធ្វើឱ្យអ្នកគាំទ្រកម្ពុជាមានមោទកភាពលើរូបនាងយ៉ាងខ្លាំង ហើយនាងក៏ពិតជាស័ក្តិសមដែលអ្នកគាំទ្រកម្ពុជាហៅថា Queen លើឆាក MGI ២០២២ នេះផងដែរ៕
