ឪពុកម្តាយណាមិនស្រឡាញ់កូន មិនចង់ឱ្យកូនល្អ មិនចង់ឱ្យកូនមានរបស់របរប្រើប្រាស់ទំនើបៗល្អៗដូចកូនៗគេដទៃ ។ ប៉ុន្តែ ដោយសារជីវភាព លទ្ធភាពគ្រួសារនីមួយៗខុសគ្នា កូនៗក៏ត្រូវយល់ពីពួកគាត់ដូចគ្នា ដោយមិនមែនចេះតែទាមទារតាមចិត្តនោះទេ ។
ជាក់ស្តែងមានគណនី ហ្វេសប៊ុកឈ្មោះ Rynâ JūmTëv Tøch XD ជាអ្នកលក់ទូរស័ព្ទ បានបង្ហោះនូវរូបភាពបុរសមួយរូបជាមួយទឹកមុខ រូបរាងដ៏គួរឱ្យអាណិត បានកាន់លុយរាយៗ ទាំងបាច់ៗ មកទិញទូរស័ព្ទឱ្យកូន ។
ក្នុងនោះគណនីខាងលើបានបង្ហោះថា៖ “បងប្អូនអើយគាត់សួរខ្ញុំថា iPhone 6plusខ្ញុំលក់ប៉ុន្មានហើយគាត់ថាគាត់មានត្រឹមតែ40ម៉ឺនលុយខ្មែរទេក្រដាស់រាយៗទេមីពៅលក់អោយពូអត់????” ។
កញ្ញាក៏បានបន្ថែមទៀតថា៖ “ទឹកចិត្តឪពុកខំដើរសំលៀងកាំបិតតាមផ្ទះគេ សំលៀងមិនបានដើរសុំគេដើម្បីសន្សំលុយទិញទូរស័ព្ទអោយកូន???ខ្ញុំថាលុយខ្មែរក៏ខ្ញុំយកដែលពូតែខ្ញុំមិនគិតកន្ទុយពីពូទេខ្ញុំថែមស៊ីមអោយពូមួយទៀតហើយអោយទឹកក្រូចនឹងផ្លែឈើតិចតួចជូនពូ??? ។
ខ្ញុំសួរគាត់ថាកូនពូរៀនទីប៉ុន្មានហើយ គាត់ថាទី11 ហើយវាចង់បានទូរស័ព្ទប្រើនឹងគេពូខំសន្សំមួយថ្ងៃ20000៛ដើម្បីទិញអោយកូន? កូនអើយកូនឃើញហើយសូមមេត្តាយល់ចិត្តឪពុកផង?
ថាឪពុកខំដើរសូមគេទម្រាំបានវាលំបាកប៉ុនណាមិនហ៊ានទិញអីហូបខ្លួនឯងទេ?ខ្ញុំឃើយគាត់អង្គុយសំលៀងកាំបិតឲ្យគេហើយមើលមកតែទូទូរស័ព្ទខ្ញុំរហូតការពិតចង់បានទូរស័ព្ទអោយកូនសោះ?????ហើយខ្ញុំក៏សុំទោសដែលលួចថតពូតែចង់អោយកូនៗទាំងឡាយយល់ចិត្តឪពុកផង???” ៕
