អបអរសាទរ! អ្នកនាង ខ្ញុង សម្រាលកូនហើយ ថែមទាំងដាក់ឈ្មោះយ៉ាងពិរោះទៀត

135

(ភ្នំពេញ)៖ នៅព្រឹកថ្ងៃទី ២០ ខែមិថុនា ឆ្នាំ២០២០នេះ អ្នកនាងខ្ញុងបានថតរូបភាពកូនបង្ហោះសារលើបណ្តាញសង្គម ដែលមានមុខមាត់យ៉ាងស្រស់ស្អាត គួរឲ្យខ្នាញ់ ជាពិសេស គឺមានសុខភាពរបស់កូនគឺល្អ និងមានសុវត្ថិភាពល្អទាំងម្តាយនិងកូន។

ចំណែកឈ្មោះកូនរបស់អ្នកស្រីនោះ អ្នកនាងបានដាក់ឈ្មោះតាំងពីកូននៅក្នុងផ្ទៃថា ត្រារិសីមង្គល ។

ជាមួយគ្នានោះ អ្នកនាងខ្ញុងបានបង្ហោះសារថា “អ៊ំពូមីងមុខអូនដូចម៉ាក់ទេ? សូមអរគុណដល់មន្ទីរពេទ្យមន្ទីរពេទ្យអរៀនដា ដែលផ្ដល់ទំនុកចិត្តនិងភាពកក់ក្តៅឲ្យខ្ញុំនិងកូន ចាំស្រួលខ្លួនបន្តិចនិងឡាយឲ្យបងប្អូនមើលឲ្យច្បាស់ជាងនេះ”។

អ្នកនាងខ្ញុង បានបង្ហោះបន្ថែមទៀតថា “អរគុណណាស់អ៊ំពូមីងដែលបារម្ភពីសុខទុក្ខខ្ញុំនិងកូន ពេលនេះខ្ញុំនៅមន្ទីរពេទ្យអរៀនដា សម្រាលដោយធម្មជាតិ ដែលបានទទួលការថែទាំយ៉ាងល្អ ចាំស្រួលខ្លួនបន្តិចខ្ញុំឡាយឱ្យបងប្អូនបានមើលណា “។

ក្រោយពីឃើញបែបនេះភ្លាម មានបណ្ដាមិត្តៗសិល្បករ ក៏ដូចជាអ្នកគាំទ្រជាច្រើន បានចូលរួមអបអរសាទរជំនួសគ្រួសារ តារាស្រីរូបនេះ និងជូនពរឲ្យជួបតែសុភមង្គលបែបនេះជារៀងរហូតផងដែរ៕