ព្រះមហាក្សត្រខ្មែរ យាងមកដល់កម្ពុជាវិញនៅរសៀលនេះ ក្រោយបញ្ចប់ព្រះរាជកិច្ចនៅប្រទេសជប៉ុន

277

(ភ្នំពេញ)៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រខ្មែរជាទីគោរពសក្តារៈដ៏ខ្ពង់ខ្ពង់បំផុត នឹងយាងនិវត្តន៍មកដល់ប្រទេសកម្ពុជាវិញនៅរសៀលថ្ងៃទី២៤ ខែតុលា ឆ្នាំ២០១៩នេះ បន្ទាប់ពីព្រះអង្គបានយាងបំពេញព្រះរាជកិច្ចអស់រយៈពេលប្រមាណជា ៤ថ្ងៃនៅទីក្រុងតូក្យូ ប្រទេសជប៉ុន។

ព្រះមហាក្សត្រខ្មែរ បានយាងទៅកាន់ទីក្រុងតូក្យូ ប្រទេសជប៉ុន កាលពីថ្ងៃទី២១ ខែតុលា ឆ្នាំ២០១៩កន្លងទៅនេះ ដើម្បីយាងចូលរួមព្រះរាជពិធីយាងឡើងគ្រងរាជរបស់ព្រះចៅអធិរាជជប៉ុន ណារ៉ុ ហ៉ីតុ។

ក្រៅពីការយាងចូលរួមក្នុងព្រះរាជពិធីឡើងគ្រងរាជរបស់ព្រះចៅអធិរាជ ណារ៉ុ ហ៉ីតុ ដែលបានធ្វើឡើងយ៉ាងអធិកអធមកាលពីថ្ងៃទី២២ ខែតុលា កន្លងទៅនោះ ក្នុងងពេលគង់ប្រថាប់នៅប្រទេសជប៉ុន ព្រះមហាក្សត្រខ្មែរ បានអនុញ្ញាតនាយករដ្ឋមន្ត្រី លោក ស្ស៉ិនហ្សូ អាបេ ចូលគាល់ និងសវនាការលើការងារមួយចំនួន។ ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ក៏បានយាងចូលជួបសាវនាការជាមួយព្រះចៅអធិរាជជប៉ុន ណារ៉ុ ហ៉ីតុ ផងដែរ៕